Паводле слоў Лукашэнкі, назіраецца зніжэнне эфектыўнасці сістэмы міжнароднай бяспекі, што склалася пасля вайны, з’яўляюцца новыя пагрозы, ідзе перагляд і перакройванне пасляваенных межаў, абазначылася тэндэнцыя глабальнай нестабільнасці.
 
«Памяць дапамагае нам не дапускаць трагічных памылак, а рэальна ацэньваць пагрозы і атрымліваць сур’ёзныя ўрокі з мінулага, — сказаў кіраўнік дзяржавы. — Гэта асабліва важна ў сучасных умовах, калі зноў абвастраецца міжнародная абстаноўка, і каля нашых межаў зноў збіраецца ваенны патэнцыял».
«Бесцырымоннае ўмяшанне ва ўнутраныя справы суверэнных дзяржаў, спробы распаліць у іх нацыянальную варожасць, дэстабілізаваць абстаноўку мы бачым не толькі на Блізкім Усходзе, але, на жаль, ужо сёння на прыкладзе нашай брацкай Украіны. Раскол у грамадстве, грамадзянская вайна, хаос у краіне. Шматлікія ахвяры, дэградацыя эканомікі — далёка не поўны пералік праблем, з якімі сутыкнуліся нашы найбліжэйшыя суседзі», — канстатаваў Лукашэнка.

Таму, паводле яго слоў, найважнейшым кірункам дзейнасці кіраўніцтва краіны ў сучасных умовах з’яўляецца ўмацаванне і развіццё Узброеных сіл, усёй ваеннай арганізацыі дзяржавы. «Створаная ў Беларусі сістэма забеспячэння абароны гатова надзейна абараніць канстытуцыйны лад, суверэнітэт, тэрытарыяльную цэласнасць дзяржавы, мір і спакой людзей», — запэўніў Лукашэнка.

Беларусь, як адзначыў Лукашэнка, — міралюбная і адкрытая краіна, якая выступае за сістэму міжнародных адносін, заснаваную на вяршэнстве норм міжнароднага права і міжнародным супрацоўніцтве. Менавіта на гэта, паводле яго слоў, накіравана «наша збалансаваная шматвектарная знешняя палітыка. Яна прадугледжвае ўсебаковае супрацоўніцтва з дзяржавамі былога СССР, развіццё дыялогу як з краінамі Захаду, так і Усходу.

«Пры гэтым прыярытэтам з’яўляецца развіццё нашых адносін з нашым стратэгічным саюзнікам — Расійскай Федэрацыяй», — сказаў Лукашэнка.

«Дабрабыт насельніцтва, дынамічнае развіццё краіны, умацаванне яе пазіцый як самастойнага суб’екта сусветнай супольнасці з’яўляецца лепшай памяццю аб гераізме нашых вызваліцеляў», — канстатаваў кіраўнік дзяржавы.