Пра гэта ён заявіў у інтэрв’ю казахстанскаму тэлеканалу 24KZ напярэдадні свайго візіту ў гэту краіну.

Лукашэнка сказаў, што мае даўнія адносіны з Сірыяй, яшчэ з часоў Хафеза Асада [прэзідэнт Сірыі ў 1971—2000 гг.].

«Я з ім сустракаўся. Можна сказаць вялікі чалавек. Я ў Сірыі часты госць, бываў я ў Сірыі, — сказаў Лукашэнка. — (…) Дамаск мне падаўся жамчужынай таго рэгіёну.

Прыгожы горад, утульны, перспектыўны. Ён пастаянна перабудоўваўся. Я бачыў, як Хафез Асад, бацька сённяшняга прэзідэнта, беражна да гэтага ставіўся. (…) Гэта быў вялікі чалавек, ён будаваў гэта краіну, гэта мысліцель быў.

Я вельмі сябрую з яго сынам – цяперашнім прэзідэнтам Башарам Асадам. Гэта вельмі інтэлігентны і прыстойны чалавек, вельмі добры чалавек.

Я някепска знаю Сірыю, вельмі харошыя людзі, патрыятычныя, арыентаваныя на сваё кіраўніцтва. І раптам вайна, канечне, я крайне негатыўна да гэтага стаўлюся, не толькі як прэзідэнт, але і як чалавек», – сказаў Лукашэнка.

«Дабром гэта не закончыцца. Не дай бог, амерыканцы ўлезуць туды, як яны ўлезлі ў Лівію, і ў цэлым блок НАТО, пачнуць бамбіць, то катастрофа, будзе катастрофа.

Вось тады ўспыхне ўся арабская дуга, як казаў былы прэзідэнт ЗША, тады мала не пакажацца ўсім. Бо ў гэты канфлікт будзе ўцягнуты праз Ірак, і Іран і іншыя дзяржавы, будзе вельмі горача», — заявіў А.Лукашэнка.

Лукашэнка дадаў, што ў поўдня гэта канфлікты могуць істотна падагрэць становішча ў іншых дзяржавах, у тым ліку Расіі, таму «мы вельмі актыўныя ў гэтым пытанні», пазіцыянуючы сябе ў рэчышчы расійскай палітыкі, «разам яе ажыцяўляем і катэгарычна супраць таго, каб супердзяржава, як вы сказалі, пад якімі бы то ні было лозунгамі — дэмакратычнымі, і яшчэ нейкімі ўмешвалася ва ўнутраныя справы той ці і іншай дзяржавы, каб зрынала, забівала, вешала прэзідэнтаў.

Усё гэта свет ужо бачыў: ад Садама Хусэйна да лівійскага прэзідэнта Муамара Кадафі, аднаго павесілі, другога на кол пасадзілі, расцярзалі. У Егіпце вунь зверглі, ляжыць як качан, мучаецца ў бальніцы чалавек, што ён кепскага зрабіў?..

Хіба гэта нармальна. Ну ладна гэта прэзідэнты, а колькі тысяч чалавек угробілі, якая гэта дэмакратыя, каму дазволена ў свеце так арудаваць?».

«Вы ж паглядзіце да чаго дагаварыліся, амерыканская нацыя, як гісторык не магу асмысліць, што гэта за нацыя такая, амерыканская, якая прысвоіла сабе права нейкай выключнасці, разумееце, чым гэта пахне?», — спытаў ён карэспандэнтку. — Мы гэтую выключнасць у сярэдзіне мінулага стагоддзя перажылі, і яна каштавала 50 мільёнаў жыццяў».

Поделиться ссылкой:

Падтрымаць «Народную Волю»