Яго абвінавачваюць паводле арт. 193.1 Крымінальнага кодэксу ў тым, што ён “арганізаваў дзейнасць … незарэгістраванай рэлігійнай арганізацыі і забяспечыў умовы яе функцыянавання без рэгістрацыі ва ўсталяваным заканадаўствам парадку”. Аляксея Шчадрова вінавацяць у тым, што ён “аб’ядноўвае ва ўстойлівую групу адзінаверцаў з ліку мясцовых жыхароў, а таксама асобаў бяз вызначанага месца жыхарства”, абсталяваў пакой “для адпраўлення рэлігійнага культу і задавальнення іншых рэлігійных патрэбаў”. На падставе гэтага верніка хочуць прыцягнуць да крымінальнай адказнасці.

Больш за тое па Шчучынскім радыё і тэлебачанні ўжо прайшлі сюжэты, у якіх Шчадрова і тых, хто жыве ў ягоным прытулку, абвясцілі сектантамі.

У Шчучынскім раёне верніка пераследуюць за дабрачынную дзейнасць

Па словах Аляксея Шчадрова, ён не ствараў ніякай рэлігійнай арганізацыі, а толькі прытулак для бяздомных, якіх дзяржава не хоча заўважаць, займаўся дабрачыннай дзейнасцю з міласэрдзя да бліжняга. Ён таксама абвяргае абвінавачванні ў арганізацыі набажэнстваў, бо не з’яўляецца святаром. Аляксей Шчадроў адзначае, што проста моліцца супольна з тымі, хто знаходзіцца ў прытулку.

Поделиться ссылкой:

Падтрымаць «Народную Волю»