Карэспандэнты сайта InterPolit.net былі сярод тых, хто сустракаў Сяргея ў Віцебску.

– Віншую Вас з вызваленнем! Хацелася б даведацца аб стане вашага здароўя. Як вы пачуваеце сабе на волі? Як вас сустракалі? І якія зараз у вас уражанні? Для чаго вас выпусцілі, і ўвогуле: вы разумееце, што адбываецца навокал вас?

– Дзякуй вялікі за добрыя адносіны да мяне. Выпусцілі мяне сёння ў 8 гадзін вечара з ІК-19 у горадзе Магiлёве. Давезлі мяне прадстаўнікі калоніі да вакзалу. Ужо білет быў куплены да Віцебска. Пасадзілі на цягнік. Даехаў да Віцебска. Меня сустрэлі тут жонка, сын, блізкія: брат дваюрадны, цёця мая. Прыехаў да хаты. Вельмі добры настрой. Вельмі радасна адчуваю сябе, добра. Я раней, калі прыязжаў з Поўначы, з вахты, у мяне было пачуццё, нібыта я ніколі і не выязджаў, нібыта ўчора сышоў. І у мяне зараз прыкладна такое ж пачуццё – што я толькі ўчора з дома выехаў і сёння зноў вярнуўся да хаты. Адчуваю я сябе нармалёва, добра, як можна было пасля галадоўкі адыйсці, хутка аднаўляю здароўе.

– Зараз у Варшаве праходзіць міжнародная канферэнцыя Арганізацыі па Бяспечнаму Супрацоўніцтву ў Еўропе (АБСЭ) і кожны дзень беларускія дэлегаты падымаюць пытанне аб выбарах на Беларусі. Якія вашы адносіны да выбараў на Беларусі?

-Да выбараў адносіны такія: выбараў тут быць не можа! Няма выбараў… Каб былі выбары — патрэбна свабода каб была ў людзей. А свабоды няма. Таму і выбара ніякага не можа быць. Свабоду не даюць. Я быў у Байкоце да выбараў прэзідэнта. Зараз я лічу, што я ў Байкоце да гэтых выбараў.

– І апошняе пытанне. Ці вядома што-небудзь аб астатніх палітвязнях? Напрыклад, пра Сырамолатава. Калі яго могуць выпусціць? Ці ёсць наогул якія навiны?

– Справа ў тым, што мы з Сырамалотавым чакалі ўжо недалёка ад выхада, каб нас вызвалілі. Але мяне яны адвезлі першага на вакзал. А потым, казалі, паедуць да Сырамалотава і яго адвязуць таксама на вакзал, на цягнік пасадзяць. Але ў яго цягнік у другім кірунку ідзе — да Бабруйска. Ён таксама павінен вызваліцца сёння. Я думаю, што ён ўжо вызвалены.

Нагадаем, што ў чэрвені Сяргей Каваленка падпісаў прашэнне аб памілаванні на імя Аляксандра Лукашэнкі. «У прашэнні Сяргей выклаў толькі просьбу яго памілаваць, больш нічога. Відаць, такі тэкст некага наверсе не задаволіў, і ад яго сталі патрабаваць прызнання віны. А калі Сяргей адмовіўся, зноў кінулі ў карцэр», — патлумачыла Алена Каваленка.

Напісаў прашэнне і Павел Сырамолатаў, які адбываў тэрмін за падпал дзвярэй Бабруйскага КДБ. 

Пасля візіта ў Мінск кіраўніка Парламенцкай асамблеі АБСЕ Рыкарда Мільёры быў намёк на тое, што некага з беларускіх палітвязняў могуць адпусціць.

Поделиться ссылкой: