Ад Міжнароднай федэрацыі хакея зноў патрабуюць пераносу чэмпіянату з Беларусі ў іншую краіну

2

18 траўня падчас прэс-канферэнцыі Марэка Мігальскага, дэпутата Еўрапарламента ад Польшчы, і Евы Некляевай, дачкі экс-кандыдата на пасаду прэзідэнта Уладзіміра Некляева, якая адбудзецца ў Хельсінкі, у міжнародную федэрацыю хакея перададуць больш за 30 000 подпісаў пад двума петыцыямі, якія былі сабраныя ў рамках кампаніі сhange.org.

Яшчэ раней легенда хакея Петэр Шчасны, Марэк Мігальскі і сястра Андрэя Саннікава Ірына Багданава распачалі кампанію за перанос чэмпіянату 2014 года з Беларусі ў іншую краіну. Ініцыятары кампаніі патрабуюць увядзення мараторыя на смяротнае пакаранне і вызвалення ўсіх беларускіх палітвязняў. 

30 000 подпісаў былі сабраныя літаральна за некалькі дзён. Падпісанты петыцыі заклікаюць Міжнародную федэрацыю хакея правесці чемпіянат у іншай краіне і спыніць фінансаванне “апошняй дыктатуры ў Еўропе”.

Поделиться ссылкой:


Мы есть в Telegram!
Подписывайтесь на наш канал «Народная Воля» в Telegram!