Пасля  трохдзённага  палявання  амаль  ўсе  былі  знішчаны.  І  толькі  двум  шчанюкам  удалося  абмінуць  сцяжкі  і  пранырнуць  на  тэрыторыю  запаведніка…
У  Беларусі  воўк  па  за  законам,  занесены  ў  спіс  “шкодных”    альбо  “непажаданых”  відаў.  Штогод  тут  адстрэльваюць  да  800  жывёлін.  Паводле  правілаў  палявання,  прынятых  на  Беларусі,  у  нас  можна  паляваць  на  воўка  і  забіваць  яго  на  працягу  каляндарнага  года,  без  усялякага  ліміту,  не  зважаючы  на  ўзрост,  ва  ўсіх  месцах  і  любымі  спосабамі.  У  той  жа  час  у  краінах  Еўразвязу  паляванне  на  шэрых  драпежнікаў  амаль  цалкам  забаронена. 

У  суседняй  Літве,  напрыклад,  за  год  дазваляецца  знішчыць  не  больш  за  5  ваўкоў.  Але  тыя  –  быццам  ім  тут  мёдам  намазана  –  пруцца  чамусьці  ў  беларускія  лясы.  Верагодней  за  ўсё  прычына  ў  тым,  што  ласыя  яны  на  тутэйшых  дзікоў  і  ласёў,  якія  выгульваюцца  ў  мясцовым  запаведніку.  Ва  ўсялякім  разе  пакуль  не  зафіксавана  выпадкаў,  каб  ваўкі-“мігранты”  паквапіліся  на  свойскіх  жывёл…


Поделиться ссылкой: