Анлайн-дадатак да газеты
"Народная Воля"

“НКУС не забіла ў Беларусі ніводнага паляка”, -- заявіў Аляксандр Лукашэнка ў адказ на пытанне польскага журналіста пра “беларускія спісы” расстраляных у Катыні.
8:46 26 снежня 2011
84
Памер шрыфта

Вядучая польская газета „Rzeczpospolita” лічыць, што кіраўнік Беларусі падманвае. Пераклад артыкула на беларускую мову зрабіла “Польскае радые для замежжа”.

“Гэта не толькі хлусня, але і бязмежная крывадушнасць, – заявіў польскаму выданню прафесар Войцех Матэрскі. — Лукашэнка выкарыстоўвае польскую трагедыю ў гульні з Масквой. Калі ён сварыўся з Крамлём, то намякаў, што аддасць палякам спіс. Цяпер жа, калі ён пагадзіўся з Масквой, зноў забыў пра гэты спіс”.

“Гэта з’яўляецца апошняй катынскай таямніцай. НКУС забіла ў Беларусі 3782 палякаў, якія знаходзіліся ў той час у турмах на тэрыторыі БССР. Па сённяшні дзень невядомыя дадзеныя тых людзей, а таксама месца іх расстрэлу і пахавання”, — піша выданне.

Паводле меркавання іншага гісторыка Збігнева Сямашкі, “заявы Лукашэнкі – поўная лухта”. Ён нагадаў, што з савецкіх дакументаў вядома пра растрэл палякаў ў Беларусі, бо мінскае НКУС атрымала з Масквы расстрэльныя загады. Таксама як ва Украіне ў 1940-м годзе польскіх вязняў прывезлі ў мінскую турму. Далейшы іх лёс невядомы. “Лічыцца, што іх растралялі ды пахавалі ў Курапатах альбо іншым сакрэтным месцы НКУС. Вось ужо 20 год расійскае кіраўніцтва не хоча перадаць палякам адпаведныя дакументы па гэтай справе. Гісторыкі лічаць, што ў Беларусі можа захоўвацца копія. Пра гэта сведчаць украінскія матэрыялы: у Кіеве захавалася копія ўкраінскага спісу, якую афіцыйны Кіеў перадаў палякам. Больш за тое, савецкі НКУС вёў вельмі дакладную дакументацыю сваіх злачынстваў, таму словы Лукашэнкі не вартыя даверу”, піша польскае выданне.



Аўтар: Ігар МАРОЗАЎ 
Крынiца: Народная Воля
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

БРСМ: аб’ёмы фінансавання засакрэчаны

Аляксандр Лукашэнка 11 студзеня падпісаў указ, якім уносяцца змены ў аналагічны ўказ, датаваны 2012 годам “Аб некаторых пытаннях дзяржаўнай падтрымкі грамадскага аб’яднання “Беларускі рэспубліканскі с

Гісторыя БНР: 100 год таму…

Пачатак 1918-га: падзеі пасля разгону з’езда.  

Беларусь па-ранейшаму знаходзіцца ў групе несвабодных краін

У новым рэйтынгу грамадзянскіх і палітычных свабод Беларусь па-ранейшаму знаходзіцца ў групе несвабодных краін. Апублікаваны 16 студзеня рэйтынг падрыхтаваны міжнароднай праваабарончай арганізацыяй Fr