Пачуўшы музыку (трэба ж было неяк прыцягнуць увагу патэнцыяльных пакупнікоў), народ пацягнуўся ў бок новага “Гіпа”, спадзеючыся на калядныя і навагоднія зніжкі. Усё ж такі – замежнае гандлёвае прадпрыемства, а за мяжою, як вядома, калядны распродаж па зніжаных цэнах звычайная практыка… І потым, каму не ахвота пазіркаць на новае, проста падзівіцца на шык і бляск?!

Урачыстае адкрыццё – з кароткімі  прамовамі, уручэннем  сімвалічнага ключа  – заняло не болей  пятнаццаці хвілін. Потым “феерверк” з бліскучага пап’е і… дзверы “Гіпа” расчыніліся. Народ борздзенька ламануў у “пашчу” новенькага “гіпер-супера”, расцёкся па ўсіх 17-ці тысячах квадратных метраў гандлёвай плошчы. Канечне, рознага тавару – пачынаючы з дзіцячых цацак і заканчваючы плазменнымі тэлевізарамі – процьма… Але хіба здзівіш сёння бедных беларусаў багагаццем асартымента?.. Не, вядома. Цяпер і ў задрыпанай крамцы ўсяго навалам, адна толькі праблема, адна загвоздка – грошай кот наплакаў. А ў каго і ёсць лішняя капейка, то шчэмяцца ў якую Польшчу ці Літву, там усё нашмат дзешавей – і зубная паста, і падгузнікі, і аўтамабільны “абутак”, і тыя ж плазменнікі…

Але дарэмна музыка іграла: цэны на ўсе тавары ў новым “Гіпа” практычна  ніяк не адрозніваюцца  ад тых, што па ўсяму  Мінску – куслівыя і здзеклівыя ў адносінах да заробкаў грамадзян. Яно, канечне, калі б абяцаныя “пяцьсот” даляраў ператварыліся ў рэальнасць, а не ў абяцанку-цацанку, то яшчэ б куды не ішло… Але ж абяцанка на тое і цацанка, што дурню радасць… Карацей, замежны “Гіпапатам” у нашым балоце трошкі не той, што “за бугром”: зніжак на Каляды не дае, а ва ўсім астатнім вельмі нават падобны на экзатычную жывёліну – такі ж халёны, гладкі і з усімі тэхнічнымі прыбамбасамі. Хто не верыць, хай загляне ў пашчу новага “Гіпа”…

Новы гіпермаркет адкрыўся без скідак... (Фотарэпартаж)

Новы гіпермаркет адкрыўся без скідак... (Фотарэпартаж)

Новы гіпермаркет адкрыўся без скідак... (Фотарэпартаж)

Новы гіпермаркет адкрыўся без скідак... (Фотарэпартаж)

Новы гіпермаркет адкрыўся без скідак... (Фотарэпартаж)

Новы гіпермаркет адкрыўся без скідак... (Фотарэпартаж)

Новы гіпермаркет адкрыўся без скідак... (Фотарэпартаж)

Фота аўтара



Поделиться ссылкой: