Анлайн-дадатак да газеты
"Народная Воля"

А вось у музеі — Доме Высоцкага на Таганцы — беларускія карані акцёра называюць усяго толькі адной з версій.
10:49 26 снежня 2011
63
Памер шрыфта

Родавае котлішча Высоцкіх — у Бярозаўскім раёне Беларусі. Да такіх высноў прыйшлі беларускія даследчыкі.

“Гэта пацвярджае дакумент натарыяльная копія метрычнага пасведчання. Там гаворыцца, што Вольф Шлёмавіч Высоцкі гэта дзед Высоцкага, нарадзіўся ў Брэсце, а яго бацька мешчанін мястэчка Сялец Шлём Высоцкі”, — кажа загадчык аддзелу даследаванняў Бярозаўскай раённай газеты “Маяк” Мікалай Сінкевіч.

У Брэсце дзед Высоцкага Вольф ажаніўся з фельдшаркай Бранштэйн. А вяселле яны сыгралі па яўрэйскіх традыцыях.

“У Кіеве ў архіве запіс: там гаворыцца, што Вольф пабраўся шлюбам з бабуляй Уладзіміра па яўрэйскім абрадзе. Там запісана, што Вольф быў з сялецкіх мяшчан”, — прыгадвае Мікалай Сінкевіч

Мястэчка Сялец у часы ВКЛ было значным яўрэйскім цэнтрам. Там прайшло 12 сесій ваада – з’ездаў галоўных абшчын ВКЛ, прызнаецца Еўрарадыё Мікалай Сінкевіч.

“У Сяльцы прайшло 12 сесій ваадаў. А ў вялікім Брэсце іх было толькі 5. У Пружанах – 1. Там жыло шмат габрэяў і многія знакамітыя людзі адтуль выйшлі”.

Ёсць больш раннія ўзгадкі пра Высоцкіх з Сяльца. Але дакладна не вядома, ці былі гэта продкі паэта і акцёра, ці проста насілі такое ж прозвішча.

”Сустракаюцца згадкі, што ў 1837 годзе ў Сяльцы жыў Лейба Высоцкі кандыдат у рабіны ад Пружанскага ўезду. Праўда, дакладна не вядома, быў ён сваяком Высоцкага ці не”.

Дзед Высоцкага Вольф — пасля вяселля пераехаў у Кіеў. Там у яго з’явіўся сын Сямён — бацька Высоцкага. А калі б не пераязджаў, можа б слухалі “Охоту на волков” у беларускім варыянце.

А вось у музеі — Доме Высоцкага на Таганцы — беларускія карані акцёра называюць усяго толькі адной з версій.

“У нас няма дакументальных пацверджанняў. Прозвішча вельмі распаўсюджанае. Нават на сённяшні час”, — кажа супрацоўніца музея. І дадае, што сам Высоцкі пра свае беларускія карані не ўзгадваў.

Стваральнікі новай кінастужкі “Высоцкий, спасибо, что живой” таксама нічога не кажуць пра паходжанне роду аўтара. А вось Вікіпедыя піша, што Высоцкі паходзіў з Беларусі.

Фота: limonka1.blogspot.com



Крынiца: Еўрарадыё
Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

Як у «Корпусе» Цярэшку жанілі (фота)

Жаніцьба Цярэшкі – традыцыйная беларуская народная гульня, якая ладзіцца для моладзі падчас зімовых святаў.
18 студзеня 2018

«Беларускі гістарычны анекдот» — доўга, трапна і не заўсёды смешна

15 гадоў працы аддаў Сяргей Шапран кнізе “Беларускі гістарычны анекдот”, героямі якой сталі больш за 100 вядомых беларускіх грамадскіх і культурных дзеячаў.
18 студзеня 2018

У першага ў свеце „Буквара” беларускія карані

Нацыянальная бібліятэка Беларусі рыхтуе маштабны праект да 400-годдзя першага "Буквара", якое адзначаецца ў 2018 годзе.