Анлайн-дадатак да газеты
"Народная Воля"

Справа беларускіх веруючых, якія адмаўляюцца атрымоўваць пашпарты з ідэнтыфікацыйнымі нумарамі, дайшла да ААН.
13:36 15 снежня 2011
35
Памер шрыфта

Брэстчанка Таццяна Ячнік атрымала паведамленне з Камітэта ААН па правах чалавека, што яе скарга адносна неналічэння пенсіі па пашпарце савецкага ўзору прынята да разгляду.

Таццяна Ячнік адмовілася ад новага беларускага пашпарта з ідэнтыфікацыйным нумарам па рэлігійных перакананнях, і ў выніку ёй адмовілі ў налічэнні пенсіі па старым пашпарце. Яна ўжо чатыры гады не атрымлівае пенсію па ўзросту. Жанчына звярталася ва ўсе судовыя інстанцыі Беларусі, дзе ёй было адмоўлена. Пасля гэтага спадарыня Ячнік звярнулася ў Камітэт ААН.

У такой жа сітуацыі, што і Ячнік, у Беларусі апынуліся яшчэ каля 500 чалавек. Гэтыя людзі адмаўляюцца ад пашпартоў новага ўзору, бо ў гэтых дакументах пазначаны асабісты нумар чалавека. Нягледзячы на тлумачэнні афіцыйнай Царквы, гэтая група веруючых лічыць, што “лічбавых імен” у людзей быць не павінна і бачаць у асабістых нумарах пячатку Антыхрыста.

Калі дакладна ў Камітэце па правах чалавека ААН будзе разглядацца скарга брэстчанкі наконт парушэння яе права на сацыяльнае забеспячэнне, свабоднае веравызнанне, а таксама дыскрымінацыю, пакуль невядома. Дарэчы, афіцыйныя структуры Беларусі ўвогуле даслалі ў Камітэт тлумачэнне, што такая скарга непрымальная для разгляду.

Алена НОВІКАВА



Каб мець магчымасць прачытаць цікавыя і актуальныя артыкулы, купляйце PDF-версію газеты!
Хуткая аплата праз смс-сервіс

Чытайце таксама

В стране появилась первая воздушная ЛЭП на повышенных опорах

Филиал «Мозырские электрические сети» РУП «Гомельэнерго» ввел в работу воздушную линию 110 кВ «Калинковичи — Дрозды».  

Беларусь назвали одной из самых нерелигиозных стран мира

Британское издание The Telegraph составило ко Всемирному дню религии карту самых религиозных и самых нерелигиозных стран мира.

Рэпетытар Лівянт: 25% выпускнікоў валодаюць ведамі пачатковай школы, 95% не ведаюць ніводнага фізічнага закону

Вядомы беларускі рэпэтытар Яўгент Лівянт у інтэрвію Свабодзе дае вельмі жорсткія ацэнкі беларускай сыстэме школьнай адукацыі.