— Я быў ужо ў некалькіх метрах ад выхаду з метро, як пачуў за спіной нейкі шум. Азірнуўся і пачуў: “Чаго глядзіш?!” Гэты быў спецназавец. Ён мяне адразу пасля гэтага ўдарыў і моцна штурхнуў. Я не ўтрымаўся на нагах. Да яго падбеглі іншыя і пачалі мяне збіваць. Я страціў прытомнасць. Ужо потым у міліцыі Маскоўскага раёнf, куды мяне прывезлі, я даведаўся, што ў той дзень на плошчы Незалежнасці была нейкая акцыя і яе разагналі, — распавёў “Народнай Волі” Міхась Лебедзь. — Я сказаў міліцыянерам, што кепска сябе адчуваю, а яны мяне адсылалі адзін да аднаго і “хуткую” не выклікалі. Яны мяне фатаграфавалі і ў іх на здымках застаўся мой акрываўлены твар. Апроч таго, яны пацягнулі мяне здымаць адбіткі пальцаў. Толькі ў 12 ночы мяне разам з затрыманымі маладымі людзьмі павезлі на Акрэсціна. Там супрацоўнікі спецпрыёмніка, паглядзеўшы на мяне, выклікалі “хуткую”.

Мяне адвезлі ў  10 клінічны шпіталь. Напісалі, што атрымаў ўшыбы, траўму правага бядра. А ле мне нанеслі ўдары і па пазваночніку,  і вось сёння я мусіў рабіць тамаграму, бо цяпер з-за траўмы пачаліся праблемы. Але прыйшоў на суд. Мяне маглі і раней судзіць, але міліцыянеры пераблыталі ў позве суды”.

Міхась Лебедзь не быў на акцыі 19 снежня. Ён не ведаў пра акцыю, якую спрабавалі правесці актывісты дэмакратычнага руху 20 снежня. Нягледзячы на гэта, яго брутальна затрымалі падчас зачысткі і на збітага чалавека, які час ад часу страчваў прытомнасць,  склалі пратакол за ўдзел у несанкцыянаванай акцыі. Пры гэтым чалавека трымалі ў міліцыі амаль 6 гадзін, фатаграфавалі, бралі адбіткі пальцаў і так і не выклікалі яму “хуткую”. 

Справу Міхася Лебедзя разглядае суддзя Маскоўскага суда Яўген Хаткевіч.

* * *

Працяг суду ў справе Міхаіла Лебедзя адбудзецца 31 студзеня. Сведка-міліцыянер упэўнена сказаў, што затрымліваў Міхаіла 19 снежня. На пытанне, ці магло гэта адбыцца 20-га, не змог даць пэўнага адказу. Ён паведаміў, што 20 снежня меў выходны.

Другі сведка ўвогуле не прыйшоў. Суддзя перанёс далейшы разгляд справы на панядзелак. 

Міхаіл Лебедзь 27 снежня падаваў скаргу на дзеянні міліцыянераў, якія яго моцна збілі на плошчы Незалежнасці. Ён дагэтуль не атрымаў ніякага адказу. Суддзя даў яму нумар тэлефона і параіў даведацца пра ход заявы.

Судовы канвеер не спыняецца

Поделиться ссылкой: