Вінцэнт Гадлеўскі нарадзіўся 16 лістапада 1888 года ў Ваўкавыскім павеце Гродзенскай губерніі. Скончыў Віленскую каталіцкую духоўную семінарыю, а затым Мітрапалітальную духоўную акадэмію ў Петраградзе.

Пасля пасвячэння у святары служыў у Менскім кафедральным касцёле, адзін з першых святароў, хто пачаў весці богаслужэнні на беларускай мове. Браў актыўны удзел у грамадзкай дзейнасці – уваходзіў у склад Рады БНР, удзельнічаў у заснаванні і кіраўніцтве Беларускай хрысціянскай дэмакратыі. Рэдагаваў газету “Крыніца”. Калі Беларусь апынулася пад Польшчай – быў арыштаваны за нацыянальна-палітычную дзейнасць палякамі ў 1925 годзе, асуджаны умоўна, але у 1927 арыштаваны зноў, мусіў адбыць 2 гады зняволення ў Варшаве. Пасля вызвалення пераехаў в Вільню, дзе працягваў публіцыстычную і асветніцкую дзейнасць, удзельнічаў у заснаванні Беларускага каталіцкага выдавецтва, пераклаў на беларускую мову Новы Запавет. Заснаваў арганізацыю “Беларускі Нацыянальны Фронт”, і да 1939 выдаваў аднаіменную газету, у якой друкаваў і ўласные атртыкулы, шмат з каторых не страцілі актуальнасці па сённяшні дзень.

З пачаткам Другой сусветнай вайны пераехаў у Варшаву, дзе існаванне “Беларускага Нацыянальнага Фронту” з’яўлялася прыкрыццем для падпольных арганізацый. На працягу першых ваенных гадоў працаваў у Беларускім нацыянальным цэнтры ў Берліне, заснаваў Беларускую Незалежніцкую Партыю ў Варшаве. З 1941 года працаваў у Мінску на ніве асветы, пры Генеральным камісарыяце Беларусі быў галоўным школьным інспектарам, сябрам Галоўнай Рады Беларускай Народнай Самапомачы. Стварыў і кіраваў падпольнай арганізацыяй “Беларускі Цэнтральны Фронт”. Займауся стварэннем кіруючага цэнтру Беларускага Рэзыстансу.

24 снежня 1942 года быў арыштаваны нямецкімі паліцаямі і ў той жа дзень растраляны ў Трасцянцы.

Нават па афіцыйных звестках у Малым Трасцянцы было расстраляла больш за 200.000 чалавек.

Усталяваны мемарыяльны крыж Вінцэнту Гадлеўскаму (фотарэпартаж)

Усталяваны мемарыяльны крыж Вінцэнту Гадлеўскаму (фотарэпартаж)

Усталяваны мемарыяльны крыж Вінцэнту Гадлеўскаму (фотарэпартаж)

Усталяваны мемарыяльны крыж Вінцэнту Гадлеўскаму (фотарэпартаж)

Поделиться ссылкой: