“Галоўнае, каб была палітычная падтрымка. Гэта нават не ў маёй кампетэнцыі, а ў кампетэнцыі нашага калегі. Гэта значна больш карысна, чым спамам займацца — лісты рассылаць, я маю на ўвазе”, — цытуе РІА Новости словы Мядзведзева на нарадзе ў Благавешчанску, паведамляе БелаПАН  

Нагадаем, на гэтым тыдні Аляксандр Лукашэнка накіраваў лісты, у якіх выклаў пазіцыю па газавым канфлікце з Расіяй, у газету “Правда”, а таксама буйным расійскім бізнесменам.

Дзмітрый Мядзведзеў на нарадзе таксама заявіў, што для Расіі Мытны саюз з’яўляецца абсалютным прыярытэтам.

“Мытны саюз — гэта абсалютны прыярытэт, звярніце на гэта асаблівую ўвагу. Мы не павінны ствараць дадатковых працэдур, якія ўскладняюць уезд людзей, увоз тавараў і грошай у нашу краіну”, — адзначыў расійскі прэзідэнт.

На нарадзе з удзелам Мядзведзева кіраўнік Федэральнай мытнай службы Андрэй Бельянінаў праінфармаваў, што яго ведамства два дні працуе ва ўмовах Мытнага саюза. “Пакуль ніякіх надзвычайных здарэнняў няма, можа быць, таму што выхадныя, а можа быць, таму, што новыя правілы павінны быць яшчэ асэнсаваныя юрыдычнымі асобамі”, — сказаў ён.

“Пакуль усё нармальна, пакуль трывогі ёсць, і самая вялікая з іх — фармат Мытнага саюза”, — дадаў Бельянінаў.

Ён удакладніў, што з беларускімі калегамі расійская мытная служба працуе нават больш, чым з казахстанскімі.

“Трэба завяршаць без палітыкі”, — сказаў Мядзведзеў. Ён таксама пацікавіўся, ці ёсць ў Федэральнай мытнай службы кантакт з беларускімі калегамі. “Так, поўны кантакт”, — запэўніў Бельянінаў. 
 

Поделиться: