У інтэрвію Радыё Свабода Павал Севярынец сказаў:

“Васемнаццаць гадоў таму, у 1991-ым, аднавілася беларуская дзяржаўная Незалежнасьць. 18 гадоў — гэта ўзрост паўналецьця, выбар шляху на ўсё далейшае жыцьцё — геапалітычны, эканамічны, духовы. Беларуская Хрысьціянская Дэмакратыя як новая сіла, як альтэрнатыва і рэжыму, і старым апазыцыйным канструкцыям, зараз прапануе беларусам будаваць Беларусь а аснове хрысьціянскіх каштоўнасьцяў і патрыятызму. За апошні год Беларуская Хрысьціянская Дэмакратыя вырасла ў чатыры разы, усталявала моцныя стасункі з Цэркавамі, з моладзьдзю, з хрысьціянска-дэмакратычнымі партыямі Эўропы. Рэжым пачынае нас баяцца, і мы верым, што менавіта хрысьціянская дэмакратыя ёсьць беларускім шляхам да перамогі.”

Поделиться: