Святлана Байкова знаходзіцца ў цяжкім стане

24 чэрвеня генеральны пракурор Беларусі Рыгор Васілевіч працягнуў тэрмін утрымання пад вартай Святланы Байковай яшчэ на два месяцы - да 24 жніўня. Супрацоўніца Генпракуратуры была затрыманая супрацоўнікамі КДБ 25 лютага. Крымінальныя справы ў дачыненні да яе старшыня Камітэта дзяржбяспекі Вадзім Зайцаў распачаў 24 лютага па прыкметах складаў злачынстваў, прадугледжаных артыкуламі 399 (незаконнае вызваленне ад крымінальнай адказнасці) і 426 (перавышэнне ўлады або службовых паўнамоцтваў) Крымінальнага кодэкса. Ён жа да следчага ўжыў меру затрымання ў выглядзе зняволення пад варту.

У сувязі з адсутнасцю дастатковых доказаў прад'яўленага абвінавачання 23 красавіка ў падаўжэнні тэрміна ўтрымання Байкова пад вартай генпракурор адмовіў, але пры гэтым тэрмін правядзення папярэдняга следства па справе падоўжыў па 24 жніўня. 24 чэрвеня ў Генеральнай пракуратуры паведамілі, што следствам КДБ прадстаўлены факты беспадстаўнага затрымання, прыцягнення ў якасці абвінавачаных, зняволення грамадзян пад варту, дапушчаных Байкова ў 2006-2007 гадах. Таму тэрмін яе ўтрымання пад вартай быў працягнуты.

У КДБ падаўжэнне тэрміну ўтрымання Байкова пад вартай патлумачылі «неабходнасцю стварэння ўмоў для поўнага і аб'ектыўнага расследавання крымінальнай справы, у тым ліку ўсталявання матываў і падставаў невыкарыстання мер адказнасці, прадугледжаных заканадаўствам, у дачыненні да галоўных арганізатараў кантрабандных каналаў».

Нагадаем, па неафіцыйнай інфармацыі, пасля таго як генпракурор Рыгор Васілевіч адмовіўся ў канцы красавіка падаўжаць тэрмін утрымання сваёй падначаленай пад вартай па заканчэнні двух месяцаў з моманту яе затрымання, у КДБ у дачыненні да Байковай была ўзбуджаная яшчэ адна крымінальная справа. 31 траўня яна аб'явіла галадоўку пратэсту, з якой выйшла 16 чэрвеня па патрабаванні лекараў, сваякоў і абароны.

Крынiца: БелаПАН