bulletгалоўнае онлайн:

Эканоміка

Друкаваць decreaseincreaseПамер шрыфта

Польскі ўрад: Мы не будзем набываць электраэнергію ў Астраўцы. Кропка

20 сакавiка 2017 г. 09:54

Польшча не будзе набываць электраэнэргію з Беларускай АЭС, заявіў журналістам упаўнаважаны польскага ўраду па пытаннях стратэгічнай энергетычнай інфраструктуры Пётр Наімскі.

Пра гэта піша выданне BiznesAlert.pl.

“Мы не будзем набываць электраэнэргію ў Астраўцы. Кропка. Кампанія PSE (Польскія электрасеткі) прыступіць да разборкі лініі электраперадачы Беласток — Рось”, — цытуе выданне Пятра Наімскага. Адна з прычынаў — “дэсінхранізацыя энергетычных сістэмаў” краінаў Балтыі, Беларусі і Расіі, перадае Еўрарадыё.

Пры гэтым Польшча падтрымлівае пратэст Літвы адносна будаўніцтва БелАЭС.

“Калі электрастанцыя будзе пабудаваная, то яна павінна адпавядаць усім стандартам бяспекі і аховы навакольнага асяроддзя», — адзначыў Наімскі.

Беларусь разлічвала прадаваць электраэнергію, якую будзе выпрацоўваць Беларуская АЭС, суседнім краінам. Такая прапанова была зробленая і польскаму боку.

Раней Літва заклікала суседнія дзяржавы не купляць электраэнэргію ў Астраўцы. Літоўскі міністр энергетыкі Рокас Масюліс звяртаўся да ўрадаў Латвіі, Эстоніі, Польшчы і Фінляндыі з прапановай абмеркаваць, ці варта купляць электраэнергію ў трэціх краінах, якія будуюць небяспечныя АЭС.

Будаўніцтва АЭС у Астраўцы. Фота з архіву

Друкаваць decreaseincreaseПамер шрыфта
Share |

АРХІЎ ГАЗЕТЫ

NV logo

ШУКАЦЬ У АРХІВЕ З ДАПАМОГАЙ КАЛЕНДАРА

ПАРТНЁРЫ

Падпiска

Падпісацца на "Народную волю" можна ў любым паштовым аддзяленні.