Прынц Чарльз збіраецца ў Белавежскую пушчу
Прычым не адзін, а разам з жонкай Камілай, герцагіняй Карнуольскай. Адбудзецца гэта на наступным тыдні, паведамляе Agence France-Presse.
Агенцтва цытуе адну з прадстаўніц кіраўніцтва сумежнага з Беларуссю Падляскага ваяводcтва Польшчы Ёлянту Гадэк.
Паводле яе слоў, прынц Чарльз і яго жонка выказалі жаданне ўбачыць "белавежскіх зуброў у іх унікальным прыродным асяроддзі".
Прадстаўнікі каралеўскай дынастыі таксама маюць намер наведаць і невялікую вёску на польска-беларускай мяжы — Крушыняны. Тут жывуць нашчадкі татараў, якія апынуліся ў гэтых мясцінах напрыканцы XVII стагоддзя. Прынца і яго жонку цікавіць, як адчувае сябе татарская меншасць, мусульманскае насельніцтва ў краіне, дзе пераважаюць рымска-каталіцкія традыцыі.





галоўнае онлайн:


Навіны
Дадаць каментарый