bulletгалоўнае онлайн:

Культура

Друкаваць decreaseincreaseПамер шрыфта

Расціслаў Янкоўскі згуляе ролю Радзівіла Пане Каханку

Аўтар: I 2 снежня 2009 г. 17:54
У Нацыянальным акадэмічным тэатры імя Максіма Горкага пачынаюцца рэпетыцыі новага спектакля па п'есе Андрэя Курэйчыка "Пане Каханку". Ставіць п'есу будзе галоўны рэжысёр тэатра Сяргей Кавальчык.
Як паведамляе БЕЛТА, ролю Караля Станіслава Радзівіла па мянушцы Пане Каханку пагадзіўся граць народны артыст Беларусі і СССР, лаўрэат дзяржаўных прэмій СССР і Беларусі Расціслаў Янкоўскі. З яго боку гэта мужны крок, бо ўзімку 2010 года акцёр адзначыць 80-гадовы юбілей.

Прэм'ера спектакля прызначаная на Міжнародны дзень тэатра — 27 сакавіка 2010 года.

П'еса распавядае пра самы складаны перыяд у гісторыі Рэчы Паспалітай і Вялікага Княства Літоўскага — 80-я гадах XVIII стагоддзя. Ужо адбыўся першы падзел Рэчы Паспалітай. Вялікая краіна стаіць на грані знішчэння, суседзі гатовыя разарваць яе на часткі. Эліта дэзарыентаваная, народ апатычны. І вось у гэты самы драматычны ў гісторыі дзяржавы момант апошні кароль Рэчы Паспалітай едзе да найбагацейшага чалавека Ўсходняй Еўропы, апошняга з вялікіх Радзівілаў — Пане Каханку. Пытанне адно — пра выратаванне краіны. І гэта ва ўмовах страшнага асабістага канфлікту і глыбокай чалавечай непрыязнасці. Пытанні адносінаў улады і буйнога бізнэсу, улады і інтэлектуальнай эліты, геапалітыкі, нацыянальнай самасвядомасці, дзяржаўнасці і самавызначэння — гэтыя праблемы закранае п'еса Андрэя Курэйчыка.

Рэжысёр спектакля Сяргей Кавальчик зрабіў пачатак сваёй працы над спектаклем сімвалічным: усе акцёры і стваральнікі спектакля выехалі на месца дзеяння п'есы — у Нясвіжскі замак. Акрамя таго, да пачатку рэпетыцый Кавальчык стварыў дакументальны фільм пра галоўнага героя спектакля Пане Каханку.
Крынiца: БЕЛТА
Друкаваць decreaseincreaseПамер шрыфта
Share |

АРХІЎ ГАЗЕТЫ

NV logo

ШУКАЦЬ У АРХІВЕ З ДАПАМОГАЙ КАЛЕНДАРА

ПАРТНЁРЫ

Падпiска

Падпісацца на "Народную волю" можна ў любым паштовым аддзяленні.